खोलामा डुबेर ५ वर्षीया बालिकाको मृत्यु

झापा : झापाको कनकाईस्थित बिरिङ खोलामा डुबेर ५ वर्षीया बालिकाको मृत्यु भएको छ। मृत्यु हुनेमा कनकाई नगरपालिका–१ का कुलबहादुर रसाइलीकी छोरी सोनिया रसाइली रहेको प्रहरीले जनाएको छ।

प्रहरीका अनुसार बालिका सोनिया हराएको भन्दै उनकी आमा अमृताले शुक्रबार अपराह्ण अस्थायी प्रहरी पोस्ट दुर्गापुरमा मौखिक जानकारी गराएकी थिइन्। त्यसपछि प्रहरी टोलीले खोजतलास सुरु गरेको थियो।