तुइनखोलामा ६ दिनदेखि पहिरो पन्छाउन सकस

नारायणगढ–मुग्लिन सडकखण्डअन्तर्गत तुइनखोलामा खसेको पहिरो पन्छाउने र सडक मर्मतको काम ६ दिन बितिसक्दा पनि अझै सम्पन्न हुन सकेको छैन। दिनको समयमा सडक रोक्दै पहिरो पन्छाउने काम भइरहेका कारण यात्रुहरूले सास्ती खेप्नुपरेको छ।

उक्त खण्डमा बिहान ८:३० बजेदेखि बेलुकी ६ बजेसम्म प्रत्येक दुई घण्टामा आधा घण्टाका लागि मात्रै सवारी आवागमन खुला गर्ने गरिएको छ। दुई घण्टा सवारी रोकेर पहिरो पन्छाउने र त्यसपछि आधा घण्टा सडक खुलाएर सवारी पास गराउने तालिका मिलाइएको छ।