विश्वकप इतिहासकै एक हजार खेल आज: जापान र ट्युनिसिया मैदानमा, जर्मनी र स्विडेनलाई नकआउट चरण पुग्ने अवसर

काठमाडौँ । विश्वकप फुटबलअन्तर्गत शनिबार हुने समूह चरणका खेलहरूमा रोमाञ्चक भिडन्त हुँदै छन्। बलियो स्थितिमा रहेको जर्मनीले आइभरी कोस्टको सामना गर्नेछ भने अर्को महत्त्वपूर्ण खेलमा स्विडेन र नेदरल्यान्ड्सबिच प्रतिस्पर्धा हुनेछ। शनिबारका खेलहरूको नतिजाले अन्तिम ३२ (नकआउट चरण) मा पुग्ने टोलीहरूको समीकरण थप स्पष्ट पार्नेछ।

समूह ‘ई’ मा रहेको जर्मनीले आफ्नो पहिलो खेलमा विश्वकपको नवप्रवेशी टोली कुराकाओलाई ७–१ को फराकिलो अन्तरले पराजित गरेको थियो। शनिबारको खेलमा आइभरी कोस्टलाई पराजित गरेमा र सोही समूहको अर्को खेलमा इक्वेडर जित निकाल्न असफल भएमा जर्मनी समूह विजेता बन्दै अन्तिम ३२ मा प्रवेश गर्नेछ।