नाडाको स्वर्ण उत्सवअन्तर्गत ‘वाकाथन’ सम्पन्न

काठमाडौं । नाडा अटोमोबाइल्स एसोसिएसन अफ नेपालले आफ्नो स्थापनाको ५० वर्ष पूरा भएको अवसरमा स्वर्ण उत्सव मनाएको छ । आज त्रिपुरेश्वरस्थित दशरथ रंगशालादेखि दरबारमार्गस्थित होटल याक एन्ड यतिसम्म विशेष ‘वाकाथन’ आयाेजना गर्दै काठमाडौंमा स्वर्ण उत्सव मनाइएको हाे ।

नेपाल उद्योग वाणिज्य महासंघका अध्यक्ष अन्जन श्रेष्ठको प्रमुख आतिथ्य तथा नाडा अध्यक्ष सुरेन्द्रकुमार उप्रेतीको सभापतित्वमा सम्पन्न उक्त समारोहले ५० वर्षे यात्राका उपलब्धिहरूलाई स्मरणीय ढंगले प्रस्तुत गरेकाे थियाे । वाकाथनमा विशिष्ट व्यक्तित्व, नाडा केन्द्रीय कार्यसमिति पदाधिकारी, पूर्वअध्यक्षहरू, सदस्य कम्पनीका प्रतिनिधि तथा पत्रकारहरूको उल्लेखनीय सहभागिता रहेको थियो ।