ओझेलमा ‘सुन्दरादेवी’ मन्दिर

दाङको ऐतिहासिक तथा पर्यटकीय धार्मिकस्थल सुन्दरादेवी मन्दिर ओझेलमा परेको छ । त्यहाँ पुग्ने सडकबाटोको उचित व्यवस्था र प्रचारप्रसार नहुँदा उक्त मन्दिर ओझेलमा परेको हो ।

जिल्लाको शान्तिनगर गाउँपालिका–३ सुकेकोटमा रहेको उक्त मन्दिरको लामो इतिहास भए पनि त्यसलाई प्रचारप्रसार गर्न नसकिएको स्थानीय अर्जुन विकले बताउनुभयो । उहाँका अनुसार विसं १८५४ मा स्थापना भएको उक्त मन्दिरमा दर्शन गरेमा मनोकामना पूरा हुने विश्वास रहेको छ ।