असंवैधानिक रूपमा सामाजिक सञ्जाल बन्देज गर्ने तत्कालीन सञ्चारमन्त्री गुरुङमाथि कारबाही सिफारिस

काठमाडौँ । राष्ट्रिय मानव अधिकार आयोगले तत्कालीन सञ्चारमन्त्री पृथ्वी सुब्बा गुरुङलाई दोषी ठहर गरेको छ । उनलाई मानव अधिकार उल्लङ्घनकर्ताको रूपमा कडा कारबाही सिफारिस गरिएको हो ।

जेनजी आन्दोलनमा भएका मानव अधिकार उल्लङ्घन सम्बन्धमा भएको छानबिन समितिको प्रतिवेदन अनुसार तत्कालीन प्रधानमन्त्री केपी शर्मा ओली र गृहमन्त्री रमेश लेखक पनि दोषी ठहरिएका छन् । १२ भदौ २०८२ मा तत्कालीन सरकारले सामाजिक सञ्जालमा प्रतिबन्ध लगाएको थियो ।