नेपालमा ४ हजार १ सय ५ मेगावाट विद्यूत् उत्पादन

काठमाडौं । नेपालमा विद्यूत् क्षमता ४ हजार १ सय ५ मेगावाट पुगेको छ। आर्थिक सर्वेक्षण रिपोर्टअनुसार जलविद्युत् जडित क्षमता ३ हजार ७ सय ९८ मेगावाट, सौर्य ऊर्जाबाट १ सय ४२ मेगावाट, वैकल्पिक ऊर्जा प्रवर्द्धन केन्द्रद्वारा उत्पादित १०६.२४ मेगावाट, तापीय (थर्मल प्लान्ट) ५३.४ मेगावाट र चिनी मिलबाट सहउत्पादन प्रविधिमार्फत ६ मेगावाट बिजुली उत्पादन भएको छ।

नेपाल विद्युत् प्राधिकरणले सञ्चालन गरेका विद्युत् परियोजनाबाट ६६१.५७ मेगावाट, विद्यूत् प्राधिकरणका सहायक कम्पनीमार्फत ७४८.४ मेगावाट र निजी क्षेत्रबाट सञ्चालित परियोजनाबाट २ हजार ५ सय ८७ मेगावाट गरी फागुन २०८२ सम्म ३ हजार ९ सय ९७ मेगावाट राष्ट्रिय ग्रिडमा जडान भएको छ।