फिल्म ‘शेप अफ मोमो’को प्रदर्शनसँगै किम्फको २३ औँ संस्करण सुरु

काठमाडौँ । अन्तर्राष्ट्रिय पर्वतीय चलचित्र महोत्सव (किम्फ)ले बुधबारबाट काठमाडाैँमा सुरु भएको छ । त्रिबेनी राई निर्देशित फिचर फिल्म ‘शेप अफ मोमो’ प्रिमियरसँगै महोत्सव सुरु भएको हो । संस्कृति, पर्यटन तथा नागरिक उड्डयन मन्त्री खडक राज पौडेलले परम्परागत घण्टा बजाएर महोत्सवको औपचारिक उद्घाटन गरे ।

कार्यक्रममा मन्त्री पौडेलले फिल्म मार्फत कथा भन्ने परम्पराको महत्त्व र प्रत्येक व्यक्तिका फरक कथाहरूलाई हाम्रो संस्कृतिको अभिन्न अंशका रूपमा उत्सव मनाउनुपर्ने आवश्यकता औँल्याए ।