शिल्पासँग बिहे गर्नै लागेका थिए अक्षय एउटा गलत बुझाईले टुट्यो प्रेमकथा

बलिउडमा केही प्रेमकथा यस्ता छन्, जसको अन्त्यपछि पनि त्यसका किस्सा सकिंदैनन्। अभिनेता अक्षय कुमार र अभिनेत्री शिल्पा शेट्टीको प्रेमकथा पनि यस्तैमध्ये एक हो। कुनै समय बलिउडमा निकै चर्चामा रहेको यो जोडीबीचको सम्बन्ध बिहेसम्म पुगिसकेको थियो भन्ने नयाँ खुलासाले अहिले फेरि चर्चा पाएको छ।

अक्षय र शिल्पा एक समय बलिउडका चर्चित प्रेमी जोडी थिए। सन् १९९४ को फिल्म मैं खिलाडी तू अनाडीमा सँगै काम गरेपछि उनीहरूबीच नजिकिएको सम्बन्ध प्रेममा परिणत भएको बताइन्छ। पछि जानवरलगायतका फिल्ममा सँगै काम गर्दा उनीहरूको सम्बन्ध झनै चर्चामा आएको थियो। तर रोचक कुरा के छ भने, उनीहरूको प्रेम केवल अफेयरको चर्चामै सीमित थिएन। जानवरका निर्देशक सुनील दर्शनले हालै दिएको अन्तर्वार्तामा अक्षय र शिल्पा बिहे गर्ने अवस्थामा पुगिसकेको लागेको खुलासा गरेका छन्। उनका अनुसार त्यतिबेला दुवैको सम्बन्ध निकै राम्रो चलिरहेको थियो र आफूले उनीहरू चा“डै विवाह गर्ने सोचेका थिए। तर अचानक केही गलतफहमी उत्पन्न भयो र उनीहरूको सम्बन्ध टुट्यो।