प्लान्ट क्वारेन्टाइन तथा विषादी व्यवस्थापन केन्द्रका तीन कर्मचारी बेपत्ता

काठमाडौं । भोटेकोशीमा आएको बाढीका कारण प्लान्ट क्वारेन्टाइन तथा विषादी व्यवस्थापन केन्द्रका तीन जना कर्मचारी बेपत्ता भएका छन् । कृषि वन तथा वातावरण मन्त्रालयअन्तर्गतको यस केन्द्रले बाढीपछि हालसम्म सम्पर्कमा नआएका आफ्ना कर्मचारीहरूको खोजीका लागि आह्वान गरेको हो ।

बेपत्ता भएका कर्मचारीहरूमा प्राविधिक सहायक जागेश्वर शर्मा, खरिदार आयुष खड्का र कार्यालय सहयोगी शिव प्रसाद ढकाल रहेका छन् । शर्मा साँफेबगर, अछामका हुन् भने खड्का सल्यान र ढकाल रसुवाका स्थानीय हुन् ।