जन्मथलो बेनीबाट प्रकाश दुतराजको नयाँ साङ्गीतिक यात्रा

म्याग्दी – गायक प्रकाश दुतराजले जन्मथलो म्याग्दीबाट सामूहिक लोकसङ्गीत साङ्गीतिक समूह (ब्यान्ड) को सुरुआत गरेका छन् । बेनीस्थित खुलामञ्चमा म्याग्दी उद्योग वाणिज्य सङ्घले आयोजना गरेको कार्यक्रममा दुतराजको ‘दुतराज प्रकाश एन्ड लाइनअप’ सार्वजनिक गरिएको हो ।

मङ्गला गाउँपालिका–५ अर्मनमा जन्मिएका र सदरमुकाम बेनीमा हुर्किएका दुतराजले नेपालमै पहिलो पटक लोकसङ्गीत साङ्गीतिक समूह बनाएको दाबी गरे । “विभिन्न विधाका वाद्यवादक र प्राविधिक समेटेर लोकसङ्गीतमा नौलो अभ्यासमार्फत दर्शकमाझ पुग्ने अभियान जन्मथलोबाटै सुरु गरेको छु,” उनले भने, “अहिलेलाई १४ वर्षदेखि देखेको सपना पूरा भएको छ ।”