कैदीको उपचारका क्रममा मृत्यु

विराटनगर : विराटनगर महानगरपालिका–८ हाटखोलास्थित मोरङ कारागारमा कैद सजाय भुक्तान गरिरहेका कैदीको मृत्यु भएको छ। मोरङको सुन्दरहरैँचा नगरपालिका–६ का ७० वर्षीय रामप्रसाद दाहालको गएराति मृत्यु भएको हो।

जिल्ला कारागार मोरङका प्रशासक राजन घिमिरेका अनुसार दाहाललाई शनिबार बिहान एक्कासि चक्कर लाग्नुका साथै श्वासप्रश्वासमा समस्या देखिएको थियो। स्वास्थ्य अवस्था बिग्रिएपछि बिहान करिब ११:३० बजे उनलाई उपचारका लागि विराटनगरस्थित कोशी अस्पताल लगेर भर्ना गरिएको थियो।