यल मड्रिडको रायो भाल्येकानोमाथि शानदार जित

काठमाडौं- स्पेनिस ला लिगामा रियल मड्रिडले रायो भाल्येकानोलाई ४–१ गोलले पराजित गरेको छ। सान्टियागो बर्नाबेउमा शनिबार राति भएको खेलमा रियलले पहिलो हाफमै तीन गोल गरेको थियो।

रियलका लागि किलियन एम्बाप्पेले दुई गोल गरे भने अल्भारो कारेरास र जुड बेलिङ्घमले एक एक गोल गरेका थिए। एम्बाप्पेले १४औँ मिनेटमा पेनाल्टीमार्फत गोल गर्दै रियललाई अग्रता दिलाएका थिए। त्यसको तीन मिनेटपछि कारेरासले गोल गर्दै अग्रता दोब्बर पारेका थिए। ३५औँ मिनेटमा बेलिङ्घमले तेस्रो गोल गरेका थिए।