आयोगले सिफारिस गरेका व्यक्त्तिलाई तत्काल कारबाही गर्न कांग्रेसको माग

काठमाडौँ। नेपाली कांग्रेसले राष्ट्रिय मानव अधिकार आयोगद्वारा सार्वजनिक गरिएको २३-२४ भदौको आन्दोलन सम्बन्धी अनुसन्धान प्रतिवेदनप्रति आफ्नो गम्भीर ध्यानाकर्षण भएको जनाएको छ। पार्टी प्रवक्ता देवराज चालिसेले बिहीबार एक प्रेस विज्ञप्ति जारी गर्दै प्रतिवेदनमा कारवाहीको लागि सिफारिस गरिएकाहरूलाई संवैधानिक दायराभित्र रही तत्काल कार्यान्वयन गर्न सरकारसँग माग गरेका छन्।

कांग्रेसले विगतको सरकारद्वारा गठित गौरीबहादुर कार्की आयोगको प्रतिवेदनलाई अधुरो, अपूर्ण र अस्पष्ट दाबी गरेको छ।