इटहरीमा मोटरसाइकल डिभाइडरमा ठोक्किँदा दुई जनाको मृत्यु

सुनसरी– इटहरी उपमहानगरपालिका–७ बालग्रामस्थित पूर्व–पश्चिम लोकमार्गमा मोटरसाइकल डिभाइडरमा ठोक्किँदा दुई जनाको मृत्यु भएको छ।

मृत्यु हुनेमा इनरुवा नगरपालिका–३ का २९ वर्षीय मोटरसाइकल चालक पारस थापा र सोही ठाउँका ३४ वर्षीय सागर रेग्मी रहेका छन्। रेग्मी जिल्ला प्रशासन कार्यालय सुनसरीका कर्मचारी रहेको प्रहरीले जनाएको छ।