दिवा खाजामा ३ अर्ब ७६ करोड खर्च, ७८७ विद्यार्थीलाई छात्रवृत्ति

काठमाडौँ- शिक्षा तथा खेलकुद मन्त्रालयले आर्थिक वर्ष २०८२/८३ को चैत मसान्तसम्मको प्रगति विवरण सार्वजनिक गरेको छ। मन्त्रालयले बजेट कार्यान्वयन, विद्यालय पूर्वाधार विकास, छात्रवृत्ति वितरण र नीतिगत सुधारमा उल्लेखनीय प्रगति गरेको दाबी गरेको छ।

सामुदायिक विद्यालयको प्राथमिक तहका विद्यार्थीको लागि दिवा खाजा कार्यक्रममा हालसम्म ३ अर्ब ७६ करोड ६८ लाख ९१ हजार ५३८ रुपैयाँ खर्च भएको छ। यो कुल विनियोजित बजेटको ३५.१२ प्रतिशत हो। स्थानीय तहमार्फत सञ्चालन गरिएको कार्यक्रमबाट देशभरका २८ लाख २४ हजार ५८१ बालबालिका लाभान्वित भएका छन्।