प्रभु बैंकका सञ्चालक तथा कर्मचारीद्वारा ४० लाख ८० हजार ५० रुपैयाँ सहयोग

काठमाडौं– भोटेकोशी तथा त्रिशूली नदीमा आएको विनाशकारी बाढीबाट प्रभावित तथा घरबारविहीन परिवारलाई राहत उपलब्ध गराउने उद्देश्यले प्रभु बैंकका सञ्चालक तथा कर्मचारीहरूले स्वेच्छिक रूपमा संकलन गरेको रु. ४० लाख ८० हजार ५० रुपैयाँ प्रधानमन्त्री दैवी प्रकोप उद्धार कोषमा सहयोग गरेका छन् ।

विपद्को कठिन घडीमा प्रभावित नागरिकको राहत, उद्धार तथा पुनःस्थापनामा सहयोग पुर्‍याउने उद्देश्यले बैंकका सञ्चालक तथा कर्मचारीबाट संकलित रकमको चेक बैंकका प्रमुख कार्यकारी अधिकृत समन शर्माले अर्थ मन्त्रालयमा आयोजित कार्यक्रममा माननीय अर्थमन्त्रीलाई हस्तान्तरण गरेका हुन् ।