शिक्षा मन्त्रालयको प्रगति : प्राविका ५ हजार ३८६ स्थानीय दरबन्दीमा रूपान्तरण, बालविकास शिक्षकलाई तालिम

काठमाडौँ- शिक्षा तथा खेलकुल मन्त्रालयले आर्थिक वर्ष २०८२/८३ को बजेट वक्तव्यमा समेटिएका कार्यक्रमहरूको चैत मसान्तसम्मको प्रगति विवरण बिहीबार (वैशाख १४) सार्वजनिक गरेको छ। सार्वजनिक प्रतिवेदनअनुसार मन्त्रालयले शिक्षक व्यवस्थापन, प्राविधिक शिक्षा, छात्रवृत्ति वितरण, डिजिटल सिकाइ तथा विद्यालय पूर्वाधार विकासका क्षेत्रमा उल्लेखनीय प्रगति हासिल गरेको दाबी गरेको छ।

शैक्षिक गुणस्तर सुधारका लागि मन्त्रालयले ‘शिक्षक बैंक’ अवधारणापत्र तथा बुटक्याम्प सञ्चालन सम्बन्धी संहिता स्वीकृत गरी कार्यान्वयनमा ल्याएको छ। उच्चस्तरीय दरबन्दी सम्बन्धी कार्यदलको प्रतिवेदनका आधारमा प्राथमिक तहका ५ हजार ३८६ स्थानीय दरबन्दीमा रूपान्तरण गरिएको छ। बालविकास तथा विद्यालय तहका शिक्षकहरूका लागि प्रशिक्षक प्रशिक्षण तालिम सञ्चालन गरिएको मन्त्रालयले जनाएको छ।