ग्यासको कालोबजारी रोक्न काठमाडौं प्रशासन सक्रिय, लुकाएर राखे कारबाही गर्ने चेतावनी

काठमाडौं- काठमाडौंमा खाना पकाउने एलपी ग्यासको आपूर्ति भइरहे पनि उपभोक्ताले सहज रूपमा ग्यास पाउन नसकेको गुनासो बढेपछि जिल्ला प्रशासन कार्यालय काठमाडौंले ग्यास विक्रेता तथा वितरकलाई ग्यास प्राप्त हुनासाथ उपभोक्तालाई बिक्री गर्न निर्देशन दिएको छ।

प्रशासनले काठमाडौं जिल्लाभर ग्यासको आपूर्ति तथा बिक्री वितरणबारे सघन अनुगमन भइरहेको जनाएको छ। सरकारले तोकेको मूल्यभन्दा बढी रकम लिएर ग्यास बिक्री गरेको पाइएमा सम्बन्धित विक्रेता तथा वितरकमाथि कानुनी कारबाही गरिने प्रशासनले चेतावनी दिएको छ।