भरतपुरमा गुडिरहेको कारमा आगो लाग्नुको कारण खोज्दै प्रहरी

काठमाडौं । चितवनको भरतपुर महानगरपालिका–९ स्थित बसन्तचोकमा गुड्दागुड्दैको कारमा कसरी आगो लाग्यो भन्नेबारे प्रहरीले अनुसन्धान गरिरहेको छ । भदौ २६ मा बिहान ६ बजेतिर पूर्व–पश्चिम राजमार्गको सर्भिसलेनमा पूर्वबाट पश्चिमतर्फ आउँदै गरेको बा.प्रदेश–०१–०३० च ५५७९ नम्बरको ईभी कार गुडिरहेको बेला अचानक आगलागी भएको थियो ।

कारमा आगलागी हुँदा चालक ५६ वर्षीय अमर पराजुलीको मृत्यु भएको थियो । भरतपुर महानगरपालिका–१२ घर भएका पराजुलीले आफ्नै घरमा किराना पसल सञ्चालन गर्दै आएका थिए । आयोन ब्राण्डको ईभी कार गुडिरहेको बेला अचानक आगलागी भएपछि चालक बाहिर निस्कन नसकेको र गाडीभित्रै उनले ज्यान गुमाएका थिए ।