जेन-जी आन्दोलनमा जेलबाट भागेका जबरजस्ती करणी मुद्दाका अभियुक्त १ करोड बढी ठगी आरोपमा पक्राउ

काठमाडौं । जेन-जी आन्दोलनका क्रममा नख्खु कारागारबाट भागेका जबरजस्ती मुद्दाका कैदी नक्कली सुन देखाएर रकम ठगी गर्ने क्रममा पक्राउ परेका छन् ।

ओखलढुङ्गा, सिद्धीचरण नगरपालिका-१ घर भई काठमाडौं, नयाँ बसपार्क बस्ने २८ वर्षीय अनिष थापालाई प्रहरीले पक्राउ गरेको हो । उनलाई बिहीबार बेलुकी ६ बजे टोखा ९, मिलनटोलस्थित एक गेष्ट हाउसबाट प्रहरी पक्राउ गरेको जिल्ला प्रहरी परिसर, काठमाडौंले जनाएको छ ।