सगरमाथाको छायाँबाट विश्व पर्यटनसम्म : मिङ्मा दोर्जी शेर्पाको आत्मकथा सार्वजनिक

काठमाडौं, २७ भदौ । सोलुखुम्बुको सगरमाथा क्षेत्रबाट संघर्ष गर्दै पर्यटन व्यवसायमा स्थापित भएका मिङ्मा दोर्जी शेर्पाको आत्मकथात्मक पुस्तक ‘सगरमाथाको शेर्पा म’ र त्यसैको अंग्रेजी संस्करण ‘आइ एम ए शेर्पा अफ माउण्ट एभरेष्ट’ सार्वजनिक भएको छ।

काठमाडौंको लैनचौरस्थित मल्ल होटलमा शनिबार आयोजित कार्यक्रममा पुस्तक सार्वजनिक गरिएको हो। पुस्तक पेम्बा याङ्जी शेर्पा स्मृति प्रतिष्ठान नेपालले आयोजना गरेको कार्यक्रममा सार्वजनिक गरिएको हो। पुस्तकमा शेर्पाको व्यक्तिगत जीवनसंघर्षसँगै सगरमाथा क्षेत्रको जनजीवन, पर्यटन व्यवसायको विकासक्रम, विदेशी पर्यटकसँगका अनुभव, अन्तर्राष्ट्रिय भ्रमण, सामाजिक सेवा तथा पारिवारिक सम्बन्धका विविध पाटा समेटिएका छन्।