दुई सय १६ मेगावाटको माथिल्लो त्रिशुली जलविद्युतको वेयर गेट उद्घाटन 

रसुवा । माथिल्लो त्रिशुली-१ (यूटी-१) २१६ मेगावाटको जलविद्युत आयोजनाको पानी वहाव नियन्त्रण गर्ने वेयर गेट (ड्यामको गेट) उद्घाटन भएको छ । नेपालका लागि गणतन्त्र कोरियाली राजदूत पार्क थेयङले बिहीबार रसुवा जिल्लामा आयोजित कार्यक्रममा उपस्थित भई उक्त वेयर गेटको उद्घाटन गरेका हुन् ।

नेपालस्थित गणतन्त्र कोरियाली दूतावासका अनुसार नवीन प्रविधि समावेश भएको वेयर गेटको आधिकारिक रुपमा उद्घाटन सफल रूपमा सम्पन्न हुनाले माथिल्लो त्रिशुली-१ (यूटी-१) जलविद्युत परियोजना निर्माण अन्तिम चरणको एक महत्वपूर्ण हिस्सा भएको जनाएको छ ।