विदुर–९ का बाढीपीडितलाई एक करोड ३७ लाखको राहत

शुभ सन्देश सभा नेटवर्क–नेपाल, बाँकेले नुवाकोटको विदुर नगरपालिका–९ का भोटेकोशी बाढी प्रभावित १२५ परिवारलाई एक करोड ३७ लाख नौ हजार रुपियाँ बराबरको राहत सामग्री वितरण गरेको छ । विदुर–९ स्थित त्रिशूली आधारभूत विद्यालय र शुलक्षणा माध्यमिक विद्यालयमा सञ्चालन गरिएको होल्डिङ सेन्टरमा आश्रय लिइरहेका पीडितलाई राहत सामग्री वितरण गरिएको हो ।

भदौ १० गते भोटेकोशी नदीमा आएको हिमबाढीबाट घरबार तथा आफन्त गुमाएका विदुर–९ का १२५ प्रभावित परिवारका करिब ७०० महिला तथा पुरुषलाई लक्षित गरी खाद्यान्न, लत्ताकपडा र दैनिक उपभोग्य सामग्री वितरण गरिएको शुभ सन्देश सभा नेटवर्क–नेपाल, बाँकेका अध्यक्ष डा. डक्टप्रसाद धितालले जानकारी दिनुभयो ।