'टुरिष्ट' र 'बिजनेश' भिसामा नेपाल आएका चिनियाँ नागरिक अवैध रूपमा मासु प्रशोधन उद्योग निर्माणमा काम गर्दै

सिन्धुलीको मरिण गाउँपालिका–४, साहानमा निर्माणाधीन मासु प्रशोधन उद्योगमा अवैध रूपमा चिनियाँ नागरिकले काम गरिहेको पाइएको छ। मासु प्रशोधन उद्योगमा कार्यरत ५ सय १ चिनियाँ नागरिकमध्ये अधिकांशसँग काम गर्ने अनुमति नभएको पाइएको हो।

जिल्ला अनुगमन समिति सिन्धुली र अध्यागमन विभागका प्रतिनिधिको संयुक्त टोलीले निर्माण कम्पनीमा छापा मारी अनुगमन गर्दा उनीहरू मध्ये अधिकांश पर्यटक तथा व्यावसायिक भिसामा नेपालमा बसेर काम गरिरहेको भेटिएको हो। चिनियाँ लगानीमा निर्माणाधीन उक्त उद्योगको संरचना निर्माणको जिम्मेवारी पाएको चिनियाँ ठेकेदार कम्पनीमार्फत पाँच सय एक जना चिनियाँ प्राविधिक तथा कामदार कार्यरत रहेको ठेकेदार कम्पनीले जनाइएको छ।