माथिल्लो त्रिशूली-१ जलविद्युत आयोजना अन्तिम चरणमा, वेयर गेट सञ्चालन

१४ जेठ, काठमाडौं । २१६ मेगावाट क्षमताको माथिल्लो त्रिशूली–१ जलविद्युत आयोजनाको वेयर गेट तयार भएको छ । नेपालका लागि गणतन्त्र कोरियाका राजदूत पार्क थेयङले बिहीबार रसुवामा आयोजित कार्यक्रममा वेयर गेटको औपचारिक उद्घाटन गरे ।

दूतावासका अनुसार नवीन प्रविधि समावेश गरिएको उक्त वेयर गेटको सफल सञ्चालनसँगै माथिल्लो त्रिशूली–१ आयोजना निर्माणको अन्तिम चरणतर्फ महत्वपूर्ण प्रगति भएको जनाएको छ।