पाँच दिनमा काठमाडौं भित्रियो दुई लाख ३३ हजारभन्दा बढी ग्यास सिलिन्डर

काठमाडौं– पृथ्वी राजमार्गको कृष्णभीर खण्ड पहिरोका कारण अवरुद्ध भएपछि वैकल्पिक मार्गबाट काठमाडौं उपत्यकामा पछिल्लो पाँच दिनमा दुई लाख ३३ हजार ६६२ ग्यास सिलिन्डर ल्याएर बिक्री गरिएको छ ।

नेपाल आयल निगमको समन्वयमा तराईका विभिन्न जिल्लास्थित ग्यास उद्योगमा सिलिन्डर रिफिल गरी वैकल्पिक मार्ग हुँदै काठमाडौं ल्याएर बिक्री गरिएको हो ।