मोदीले भाषण रोक्दै  सी  जिनपिङलाई सोधे– ‘तपाईं आराम हुनुहुन्छ ?’

नयाँदिल्ली । भारतमा जारी ब्रिक्स शिखर सम्मेलनको पहिलो दिन भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङबीचको भेटवार्ताले भारत–चीन सम्बन्धमा सुधारको संकेत दिएको छ । सम्मेलनका क्रममा मोदीले आफ्नो सम्बोधन केही क्षण रोकेर जिनपिङको स्वास्थ्य अवस्थाबारे समेत चासो व्यक्त गरेका छन् ।

दूरदर्शनले सार्वजनिक गरेको भिडियोमा मोदीले सम्बोधन गरिरहेका बेला जिनपिङतर्फ ध्यान दिएका थिए । त्यसपछि उनले जिनपिङसँगै रहेका अनुवादकलाई अंग्रेजीमा ‘इज इट ओके ?’ भन्दै उनी ठीक भए–नभएको सोधेका थिए । केही क्षणपछि मोदीले फेरि त्यही प्रश्न दोहोर्‍याएको भिडियोमा देखिन्छ ।