बेसहारा फत्तबहादुरको जीवन झन् कष्टकर

सुन्दरहरैंचा(मोरङ) । उमेरले ६३ वर्ष पुगेका मोरङको सुन्दरहरैंचा नगरपालिका–१० का फत्तबहादुर भुजेल यतिबेला जीवनको सबैभन्दा कठिन मोडमा छन्। जन्डिसबाट ग्रसित उनी प्रेसरसम्बन्धी समस्याका कारण हातखुट्टा समेत चलाउन नसक्ने अवस्थामा पुगेका छन्। शरीरले साथ छोड्दै गएको छ, तर उनको पीडा सुन्ने र सुरक्षित ठाउँ दिने सहारा भने अझै भेटिएको छैन।

भुजेलको परिवार भए पनि अहिले उनी लगभग सहाराविहीन अवस्थामा छन्। उनका एक छोरा भए पनि बाल्यकालमै उनलाई अलपत्र पारेर छाडिएको र अहिले भोजपुरतिर रहेको बताइएको छ। बुहारी माइतीमा रहेको तथा ६ छोरी सबै आ–आफ्नो घरजम गरेर बसे पनि बुवाको वर्तमान अवस्था’bout चासो नदिएको बताइएको छ।