नेवा: भोजमा जलवायु परिवर्तनको असर : स्वादसँगै संस्कृति र खाद्य सुरक्षाको सवाल

ललितपुर । नेवा: भोज मिठो खानाका लागि मात्र होइन, पुस्तौँदेखि हस्तान्तरण हुँदै आएको सांस्कृतिक ज्ञान, स्थानीय खाद्य प्रणाली र स्वस्थ जीवनशैलीको जीवन्त अभिव्यक्ति हो। तर, जलवायु परिवर्तनका कारण कृषि उत्पादन र खाद्य सुरक्षामा देखिन थालेको असरले नेवा: भोजको मौलिकता र परम्परागत खाद्य संस्कृतिसमेत प्रभावित हुन थालेको छ।

यही विषयलाई संस्कृति, खाद्य सुरक्षा र जलवायु परिवर्तनसँग जोडेर ललितपुरको ऐतिहासिक पाटनमा बृहत् नेवा: भोज तथा सांस्कृतिक कार्यक्रम सम्पन्न भएको छ।