तुइलखोलाको पहिरो रोक्न ‘नेलिङ’ प्रविधि अपनाइँदै

काठमाडौं– नारायणगढ–मुग्लिन सडकखण्डको तुइलखोलामा पटक–पटक खस्ने पहिरोको दीर्घकालीन समाधानका लागि सडक डिभिजन कार्यालय भरतपुरले ‘नेलिङ’ प्रविधि अपनाउने भएको छ ।

गत वर्षदेखि वर्षायाममा मात्रै नभई हिउँदमा समेत पहिरो खस्न थालेपछि सडक डिभिजनले ठूला ढुङ्गा हटाएर भिरको स्लोप मिलाउने र त्यसपछि किला तथा रड ठोकेर भिरलाई बलियो बनाउने तयारी गरेको हो ।