बाढीपीडितलाई स्ट्रेलिङ आयल नाइजेरियाकाे ५० हजार डलर सहयाेग

काठमाडाैं - नाइजेरियाको स्ट्रेलिङ आयल कम्पनीले रसुवाका बाढीपीडितलाई ५० हजार अमेरिकी डलर ( लगभग ७६ लाख नेरु ) सहयाेगकाे घाेषणा गरेकाे छ । स्ट्रेलिङले नेपालका बाढीपीडितलाई सहयोग प्रधानमन्त्री राहत कोषमा जम्मा हुने गरि पठाउने भएको छ ।

अफ्रिकाका बाह्र भन्दा बढी देशमा खनिज तेल , खनिज र मेटल क्षेत्रमा कार्यरत साे कम्पनीले आफ्नो कल्याणकारी शाखा भि- केयर फर डेभलपमेन्ट फाउन्डेसनबाट पचास हजार डलर घोषणा गरेर थप ब्यक्तिगत सहयोग गर्न इच्छा राख्ने आफ्ना कर्मचारीलाई सहयोगका लागि आन्तरिक आह्वानसमेत गरेको छ ।