भोटेकोशी बाढीपीडितको आवास खर्च सरकारले व्यहोर्ने

काठमाडौं – सरकारले भोटेकोशी बाढी प्रभावित परिवारलाई स्थायी आवास निर्माण नभएसम्म मासिक १५ हजार रुपैयाँ आवास भाडा तथा खर्च उपलब्ध गराउने निर्णय गरेको छ ।

सञ्चारमन्त्री डा. विक्रम तिमिल्सिनाका अनुसार मन्त्रिपरिषद्को गत बिहीबार बसेको बैठकले चार सदस्यसम्मको परिवारलाई मासिक १५ हजार रुपैयाँ दिने निर्णय गरेको हो । चार जनाभन्दा बढी सदस्य भएको परिवारलाई भने थप प्रत्येक सदस्यका लागि मासिक २ हजार रुपैयाँ अतिरिक्त उपलब्ध गराइनेछ ।