भोटेकोसी बाढी: ८ हजार ३१७ घरपरिवारका झण्डै ३३ हजार नागरिक विस्थापित

भोटेकोसी नदीमा आएको विनाशकारी बाढीका कारण रसुवासहित पाँच जिल्लामा ७ हजार ५७० निजी भवनमा क्षति पुगेको छ। बाढीका कारण ८ हजार ३१७ घरपरिवारका ३२ हजार ९६३ नागरिक विस्थापित भएको राष्ट्रिय योजना आयोग र राष्ट्रिय विपद् जोखिम न्यूनीकरण तथा व्यवस्थापन प्राधिकरणको संयुक्त अध्ययनले देखाएको छ।

भदौ १० गते तिब्बत हुँदै रसुवाको भोटेकोसी नदीमा आएको भीषण बाढी त्रिशूली हुँदै नारायणी नदीसम्म फैलिएको थियो। लेहन्दे खोला जलाधार क्षेत्रमा हिमपहिरोका कारण आएको तीव्र ‘डेब्रिस फ्लो’ भोटेकोसीमा मिसिएपछि बाढीले विभिन्न बस्ती तथा पूर्वाधारमा ठूलो क्षति पुर्‍याएको हो।