नयाँ दिल्ली घोषणापत्र बन्यो सबैभन्दा लामो ब्रिक्स दस्तावेज

नयाँ दिल्ली । भारतको नयाँ दिल्लीमा सम्पन्न १८औँ ब्रिक्स शिखर सम्मेलनले जारी गरेको ‘नयाँ दिल्ली घोषणापत्र–२०२६’ ब्रिक्स नेताहरूले जारी गरेका घोषणापत्रमध्ये सबैभन्दा लामो बनेको छ । घोषणापत्रमा १४० वटा क्रमबद्ध अनुच्छेद छन् र यो ४५ पृष्ठ लामो रहेको छ ।

पछिल्ला वर्षमा ब्रिक्सको कार्यसूची आर्थिक सहकार्य र विकासका विषयबाट विस्तार हुँदै सुरक्षा, एआई, ऊर्जा, जलवायु परिवर्तन, व्यापार, डिजिटल प्रविधि र विश्व शासन व्यवस्थासम्म पुगेको सङ्केत घोषणापत्रले गरेको छ ।