यति धेरै चाउरिँदा पनि एमाले सुध्रिएकै रहेनछ: लिङ्देन

काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले नेपालको राजनीतिमा सांसद खरिद-बिक्रीको विकृति नेकपा (एमाले) ले नै सुरु गरेको आरोप लगाउँदै मुलुकमा ठूलो परिवर्तन र विद्रोह भइसक्दा पनि एमाले नसच्चिएको बताएका छन्।

काठमाडौँ जिल्ला अधिवेशनलाई सम्बोधन गर्दै अध्यक्ष लिङ्देनले बागमती प्रदेशमा देखिएको पछिल्लो राजनीतिक घटनाक्रमलाई लक्षित गर्दै एमालेको पुरानै विकृत प्रवृत्ति पुनः दोहोरिएको दाबी गरे।