मनास्लु आधार शिविरमा आमरण अनसन बस्ने सामागाउँका युवाहरुको घोषणा

गोरखा : जलवायु परिवर्तनबाट उत्पन्न जोखिम न्यूनिकरण गर्न र हिमताल संरक्षणको माग गर्दै मनास्लु क्षेत्रका युवाहरुले आमरण अनसन बस्ने घोषणा गरेका छन्।

चुमनुब्री गाउँपालिका–१ सामागाउँका युवाहरुहरुले विभिन्न ८ बुँदे ध्यानाकर्षण पत्रसहित आउँदो असोज २ गतेदेखि मनास्लु आधार शिविरमा आमरण अनसन बस्ने तयारी गरेको स्थानीय दावा नोर्बु लामाले जानकारी दिए। युवाहरुले गोरखाका प्रमुख जिल्ला अधिकारीलाई सम्बोधन गरी लेखिएको ८ बुँदे ध्यानाकर्षण पत्र वडा अध्यक्ष कर्मा छेवाङ लामा, मनास्लु संरक्षण क्षेत्र आयोजना(एमक्याप)को स्थानीय इकाइ कार्यालय र सामागाउँ प्रहरीचौकीमा पेस गरेका छन्।