१४औँ महाधिवेशनका सबै केन्द्रीय सदस्यलाई आयोजक समितिमा समेट्छौँ : भण्डारी

काठमाडौँ । नेपाली कांग्रेसका नेता चन्द्रकान्त भण्डारीले १४ औँ महाधिवेशनबाट निर्वाचित सबै केन्द्रीय सदस्यलाई आयोजक समितिमा समेटेर १५औँ महाधिवेशनमा जाने बताएका छन् । कांग्रेसभित्र पछिल्लो समय देखिएको विवाद अन्त्य गर्दै अन्तिमसम्म सबैलाई मिलाएर महाधिवेशन सम्पन्न गर्ने प्रयास भइरहेको उनले बताएका हुन् ।

आइतबार पार्टी केन्द्रीय कार्यालयमा केन्द्रीय कार्य सम्पादन समितिको बैठकका क्रममा उनले आयोजक समिति गठन गर्दा कुनै नेता वा समूहको पक्षधरतालाई आधार नबनाई १४औँ महाधिवेशनका सबै केन्द्रीय सदस्यलाई समेटिने बताए ।