रोबोट नै भिख माग्न बसेपछि...

काठमाडौँ । कृत्रिम बौद्धिकता (एआई)मा आधारित एजेन्ट र रोबोटहरूले मानिसहरूको रोजगारी खोस्न सक्ने चर्चा लामो समयदेखि हुँदै आएको छ।

तर अब सडकमा भिख माग्ने कामसमेत रोबोटले गर्न थालेको दृश्य देखिन थालेपछि धेरै मानिस अचम्ममा परेका छन् । हङकङस्थित समाचार वेबसाइट एचके०१ का अनुसार हालै बेइजिङ, छेङ्दु र फुजोउ लगायतका चिनियाँ सहरका सडकमा मानवरूपी रोबोटहरू भिख मागिरहेको अवस्थामा देखिएका छन् । यसले यो घटना कुनै एक स्थानमा सीमित नभई सम्भावित नयाँ प्रवृत्तिको सङ्केत हुन सक्ने अनुमान गरिएको छ।