सांसद खरिद-बिक्रीमा एमाले सुध्रिएन, आफ्ना मान्छे पनि खसीबाख्रा जस्तै भए: लिङ्देन

राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले नेकपा (एमाले) ले बागमती प्रदेशमा आफ्ना सांसदहरू खरिद-बिक्री गरेको आरोप लगाएका छन्।

आइतबार राप्रपा काठमाडौं जिल्ला अधिवेशनलाई सम्बोधन गर्दै अध्यक्ष लिङ्देनले ठूलो राजनीतिक परिवर्तनपछि पनि एमालेको प्रवृत्ति नसच्चिएको भन्दै आक्रोश व्यक्त गरेका हुन्।