वीरगन्जमा सडक विस्तार रोकियो, डोजर चलाउने काम केही दिनलाई स्थगित

त्रिभुवन राजपथअन्तर्गत पर्ने वीरगन्जको मुख्य सडक क्षेत्रका बाँकी भौतिक संरचना हटाउने तयारीमा रहेको सडक डिभिजन कार्यालय हेटौँडाले आइतबारदेखि सञ्चालन गर्ने भनिएको डोजर अभियान केही दिनका लागि स्थगित गरेको छ।

सडक डिभिजन कार्यालयले आइतबार बिहानदेखि सडक सीमा क्षेत्रभित्र रहेका बाँकी संरचनामा डोजर चलाउने जानकारीसहित सूचना सार्वजनिक गरेको थियो। तर आन्दोलनरत पक्ष, पर्सा–१ का प्रतिनिधिसभा सदस्य हरि पन्त तथा वीरगन्ज महानगरपालिकाको अनुरोधपछि तत्कालका लागि उक्त कार्य रोकिएको जनाएको छ।