सिन्धुलीमा पार्किङ गरिएको ट्याक्टर आफैँ गुड्दा ५ वर्षीया बालिकाको मृत्यु

काठमाडौँ। जिल्ला सिन्धुली, कमलामाई नगरपालिका–८ करकरेमा पार्किङ गरी राखिएको ट्याक्टर आफैँ गुड्दा एक बालिकाको मृत्यु भएको छ।

सोही ठाउँकै करकरे निवासी ५ वर्षीया शान्वी थापाको मृत्यु भएको हो । प्रहरीका अनुसार घरदेखि करिब ८–१० मिटर पश्चिम तर्फ ४–५ दिनदेखि पार्किङ गरी राखिएको स्थानीय विशाल श्रेष्ठको ना ६ त २५३४ नम्बरको ट्याक्टर अचानक आफै गुडी थापालाई किची घांईते भई उपचारको लागी तात्काल साहु श्रेष्ठले जिल्ला अस्पताल सिन्धुली पुर्‍याएका थिए।