कांग्रेस नेता अभिषेक गिरी पक्राउको अभियोग के ?

काठमाडाैंं । विराटनगरका विवादित छवि भएका नेपाली कांग्रेसका स्थानीय नेता अभिषेक गिरीलाई प्रहरीले पक्राउ गरेको छ । मोरङ प्रहरीको टोलीले शनिबार बिहान विराटनगर-८ मधुमारास्थित आफ्नै निवासबाट उनलाई नियन्त्रणमा लिएको हो।

सुरुमा गिरीको घरमा अवैध हतियार लुकाएर राखिएको भन्ने विशेष सूचनाका आधारमा प्रहरीले बिहानै उनको घर घेरा हालेर छापा मारेको थियो। यद्यपि, घरमा गरिएको खानतलासीका क्रममा कुनै पनि अवैध हतियार वा शङ्कास्पद वस्तु भने फेला परेन। हतियार फेला नपरे पनि कारागारभित्रका कैदीबन्दीसँग रकम असुली गरेको गम्भीर अभियोगमा अनुसन्धान गर्न प्रहरीले उनलाई पक्राउ गरेको हो।