सुदूरपश्चिमका पहाडी जिल्लाका उम्मेदवार घरदैलोमा

धनगढी/बैतडी — आगामी फागुन २१ मा हुने निर्वाचनका लागि सुदूरपश्चिमका पहाडी जिल्लामा विभिन्न दलका उम्मेदवारले गत सातादेखि नै घरदैलो अभियान सुरु गरिसकेका छन् ।

रास्वपाका वरिष्ठ नेता बालेन्द्र शाह बिहीबार बाजुरा सदरमुकाम मार्तडी पुग्दा रास्वपा बाजुराका उम्मेदवार हेमराज थापा भने दुर्गम क्षेत्रमा पर्ने हिमाली गाउँपालिकाका विभिन्न गाउँमा मत माग्दै घरदैलो अभियानमा थिए । आफू दुर्गम क्षेत्रमा घरदैलोमा भएकाले सदरमुकाम आउन नसकेको उम्मेदवार थापाले सामाजिक सञ्जालमार्फत जानकारी गराएका थिए । उनी उम्मेदवारी दर्तालगत्तै पूर्वोत्तर कोल्टी क्षेत्रका विकट गाउँबस्तीमा घरदैलो अभियानमा छन् ।