‘पार्वती’को रत्यौली गीतमा दीपाश्रीको छेडखानी

काठमाडौँ । अभिनेत्री निता ढुंगानाले आफ्नै अभिनय, कथा तथा निर्देशनमा नयाँ चलचित्र ‘पार्वती’ निर्माण गरेकी छिन् । यो चलचित्रलाई आगामी १२ भदौमा रिलिज गर्ने घोषणा सहित चलचित्रको गीत ‘नौतुनाको रेल…’को भिडियो सार्वजनिक गरिएको छ ।

निर्माण टिमले शुक्रवार ओएसआर युट्युब च्यानलमार्फत यो गीतको भिडियो रिलिज गरेको हो । गीतमा रचना रिमाल, सरु गौतम र सहिमा श्रेष्ठको स्वर छ । यसको शब्द रचना हर्क साउदले गरेका हुन भने संगीत दीपक शर्माको छ । गीतको भिडियोको कोरियोग्राफी रामजी लामिछानेले गरेका हुन्।