आफ्नै अध्यक्षलाई ज्ञानेन्द्र शाहीको जवाफ : जनता कसैको दास होइनन्

राष्ट्रिय प्रजातन्त्र पार्टी (राप्रपा) का प्रवक्ता एवं सांसद ज्ञानेन्द्र शाहीले आफ्नै पार्टीका अध्यक्ष राजेन्द्र लिङ्देनको अभिव्यक्तिको प्रतिवाद गर्दै ‘जनता कसैको दास नभएको’ टिप्पणी गरेका छन् ।

आइतबार सामाजिक सञ्जाल फेसबुकमा लेख्दै शाहीले चुनावमा प्राप्त हुने मत कसैको पेवा नहुने उल्लेख गरेका हुन् । चितवनमा जारी राष्ट्रिय स्वतन्त्र पार्टी (रास्वपा) को प्रथम महाधिवेशनमा केही नेताहरूले ‘हाम्रो भोट रास्वपालाई गयो’ भनी दिएको अभिव्यक्तिप्रति लक्षित गर्दै शाहीले यस्तो जवाफ दिएका हुन् ।