‘कलाकार संघभित्र अब दलगत राजनीति चल्न दिन्नँ’

काठमाडौं । लामो समयदेखि कलाकारितामा सक्रिय उत्तम केसी हालै भएको नेपाल चलचित्र कलाकार संघको महाधिवेशनबाट अध्यक्षमा निर्वाचित भए । अबको तीन वर्षे कार्यकालमा उनले कलाकारलाई एकताबद्ध बनाएर हकहित, पेसागत सुरक्षा, न्यूनतम पारिश्रमिकको प्रत्याभूतिको पक्षमा काम गर्नुपर्नेछ ।

२०३८ सालमा राष्ट्रिय नाचघरको हास्य नाटक ‘जोइटिङ्ग्रे’बाट अभिनयमा होमिएका केसीले दुई दर्जन बढी नाटक, २०० बढी फिल्म तथा एक सय हाराहारीको टेलिफिल्म अभिनय गरेका छन् । हास्य कलाकारको रुपमा चर्चित उनले बोलेको थेगो ‘चुईचुई पारेर’ जनजिब्रोमा झुन्डिन सफल छ ।