१० दिनमा उपत्यकामा चार लाख सिलिण्डर ग्यास वितरण

मुख्य राजमार्ग अवरुद्ध भएपछि वैकल्पिक मार्गबाट ल्याइएको करिब चार लाख सिलिण्डर एलपी ग्यास पछिल्लो १० दिनमा काठमाडौँ उपत्यका तथा आसपासका जिल्लामा वितरण गरिएको छ ।

नेपाल आयल निगमका अनुसार भदौ १८ देखि २७ गतेसम्म वैकल्पिक मार्ग त्रिभुवन राजपथ तथा बिपी राजमार्ग हुँदै ल्याइएका तीन लाख ९९ हजार ५२९ सिलिण्डर उपभोक्तालाई वितरण गरिएको हो । पछिल्लो १० दिनमा उपत्यकामा दैनिक औसत ४० हजार सिलिण्डर ग्यास बिक्री वितरण भइरहेको निगमका सहप्रवक्ता शिशिर सुवेदीले जानकारी दिए ।