अलपत्र परेको शित भण्डार निर्माणले लियो गति

स्याङ्जा ।

स्याङ्जाको चापाकोट नगरपालिका–८ क्वामीमा निर्माणाधीन शित भण्डार (कोल्ड स्टोर) निर्माण कार्यले पछिल्लो समय तीव्रता पाएको छ । लामो समय बजेट अभावका कारण अलपत्र परेको बहुप्रतीक्षित योजनाले आर्थिक वर्ष २०८२÷८३ मा आवश्यक बजेट सुनिश्चित भएपछि पुनः गति लिएको हो । प्रदेश सरकार र चापाकोट नगरपालिकाको संयुक्त लगानीमा निर्माण भइरहेको शित भण्डारले स्थानीय कृषकलाई ठूलो राहत पुग्ने अपेक्षा गरिएको छ ।