क्युवाले भन्यो : अमेरिकाले सैन्य हस्तक्षेप गर्ने जोखिम बढ्यो

१५ जेठ, काठमाडौं । क्युवाकी उपविदेश मन्त्री जोसेफिना भिडालले दुई देशबीचको वार्ता प्रक्रिया अवरुद्ध भएसँगै क्युवामाथि अमेरिकी सैन्य हस्तक्षेपको जोखिम बढ्दै गएको बताएकी छन्। नेशनल क्यापिटलमा आयोजित संसदीय सुनुवाइका क्रममा बोल्दै उनले वासिङ्टनले क्युवालाई आफ्नो राष्ट्रिय सुरक्षाका लागि खतरा देखाएर आक्रमणको बहाना खोजिरहेको आरोप लगाएकी हुन्।

अमेरिकी राष्ट्रपति डोनाल्ड ट्रम्पको प्रशासनले क्युवालाई इन्धन आपूर्ति गर्ने देशहरूमाथि प्रतिबन्ध लगाउने धम्की दिएर कडा नाकाबन्दी गरेको छ। जसका कारण क्युवामा चरम ऊर्जा सङ्कट उत्पन्न हुनुका साथै विगत केही दशकयताकै सबैभन्दा खराब आर्थिक मन्दी छाएको छ।